കോഴിക്കോട് യൂണിവേഴ്സിറ്റി ഹോസ്റ്റലുകൾ മുഴുവൻ വൃത്തികേടക്കി ഗുണ്ടാസംഘങ്ങൾ കയ്യടക്കിയതോടെ കാംപസ് അടച്ചു പൂട്ടി. തിരഞ്ഞെടുപ്പിനിടെയുണ്ടായ യു ഡി എസ് എഫ് - എസ് എഫ് ഐ സംഘർഷത്തിൻ്റെ പശ്ചാത്തലത്തിൽ കാലിക്കറ്റ് സർവകലാശാല ക്യാമ്പസ് അനിശ്ചിതകാലത്തേക്ക് അടച്ചിടാൻ തീരുമാനിക്കുകയായിരുന്നു. മലപ്പുറം എസ് പി ചൈത്ര തെരേസ ജോണിന്റെ നിർദ്ദേശപ്രകാരമാണ് നടപടി. സർവകലാശാല പഠന വകുപ്പുകളടക്കം ഇനി ഒരു അറിയിപ്പ് ഉണ്ടാകുന്നത് വരെ പ്രവർത്തിക്കില്ല. പുരുഷ ഹോസ്റ്റലിൽ ഉള്ള മുഴുവൻ വിദ്യാർഥികളും ഒഴിയണമെന്ന് സർവകലാശാല അധികൃതർ ആവശ്യപ്പെട്ടു. വിദ്യാർത്ഥികൾ അല്ലാത്തവർ ഹോസ്റ്റൽ റൂമുകൾ കയ്യടക്കി പാർട്ടി ഓഫിസുകൾ വരെ തുടങ്ങിയതായാണ് പുറത്തു വരുന്നത്. വർഷങ്ങളായി കാംപസിൽ അനധികൃതമായി താമസിക്കുന്ന എസ് എഫ് ഐ ഗുണ്ടാസംഘങ്ങൾ എല്ലാ ക്യാംപസുകളിലുമുണ്ട്. ഇവറ്റകളുടെ സാമൂഹിക വിരുദ്ധ പ്രവർത്തനം തടയാതെ ഇനി കോളജുകൾക്കോ സർവ്വകലാശാലകൾക്കോ രക്ഷയുണ്ടാകില്ല. വിദേശ നിലവാരത്തിലേക്ക് യൂണിവേഴ്സിറ്റികളെ എത്തിക്കണമെങ്കിൽ സാമൂഹിക വിരുദ്ധരെ കാംപസുകളിൽ നിന്ന് പുറത്താക്കുകയും അവരിലെ ക്രിമിനലുകളെ പിടിച്ച് ലോക്കപ്പിന് അകത്താക്കുകയും മാത്രമാണ് ഏകമാർഗം. പൊലീസും യൂണിവേഴ്സിറ്റികളും സഹകരിച്ചാൽ ഇത് എളുപ്പമാണ്. ഇത്തരം രാഷ്ട്രീയ ക്രിമിനലുകളെ പ്രോത്സാഹിപ്പിക്കുന്ന അധ്യാപകരേയും ജോലിക്കാരെയും തെറിപ്പിക്കണം. ക്യാംപസിലെയും ഹോസ്റ്റലുകളിലേക്കും ഗുണ്ടാപ്രവർത്തനം തടയുന്നതിനുള്ള ശ്രമം തുടങ്ങിയാൽ പൂർണമാക്കൻ സർക്കാർ തയാറാകണം, ഇക്കഴിഞ്ഞ ബുധനാഴ്‌ചയാണ് കാലിക്കറ്റ് സർവകലാശാല ക്യാമ്പസ് തിരഞ്ഞെടുപ്പ് നടന്നത്. തിരഞ്ഞെടുപ്പ് ദിവസം ഉച്ചമുതൽ യു ഡി എസ് എഫ് - എസ് എഫ് ഐ പ്രവർത്തകർ തമ്മിൽ വിവിധയിടങ്ങളിൽ സംഘർഷം ഉണ്ടായി. എസ് എഫ് ഐ മുഴുവൻ സീറ്റുകളിലും വിജയിച്ചെന്ന ഫലം വന്നതോടെ അർദ്ധരാത്രിയിലും അക്രമ സംഭവങ്ങൾ തുടർന്നു. ഉച്ചത്തെ സംഘർഷത്തിൽ പരിക്കേറ്റ എസ് എഫ് ഐ പ്രവർത്തകർ ചികിത്സയിൽ കഴിഞ്ഞിരുന്ന ചേളാരിയിലെ ആശുപത്രിയിലേക്ക് എം എസ് എഫ് പ്രവർത്തകർ സംഘടിച്ചെത്തി ആക്രമിച്ചതോടെ സ്ഥിതിഗതികൾ കൂടുതൽ വഷളാകുകയായിരുന്നു. ഇതിന് പിന്നാലെ പുലർച്ച രണ്ടരയോടെ എം എസ് എഫ് പ്രവർത്തകരായ സുഫിയാന്റെ ചാപ്പനങ്ങാടിയിലെ വീട്ടിലും വളാഞ്ചേരിയിലെ നൗഫലിന്റെ വീട്ടിലും പെട്രോൾ ബോംബ് എറിയുകയും ചെയ്തിരുന്നു.
6 പേർ അറസ്റ്റിൽ അതേസമയം കാലിക്കറ്റ് സർവകലാശാല ക്യാമ്പസ് സംഘർഷത്തിലും ആശുപത്രി അക്രമത്തിലും പെട്രോൾ ബോംബ് എറിഞ്ഞ സംഭവത്തിലും ഉൾപ്പെടെ ഇതുവരെ 6 പേർ അറസ്റ്റിലായി. രണ്ട് യു ഡി എസ് എഫ് പ്രവർത്തകരും നാല് എസ് എഫ് ഐ പ്രവർത്തകരുമാണ് അറസ്റ്റിലായത്. എം എസ് എഫ് പ്രവർത്തകർക്കെതിരായ ആക്രമണത്തിലും പെട്രോൾ ബോംബ് ഏറിലും എസ് എഫ് ഐ പ്രവർത്തകരായ അഹമ്മദ് മർഷദ്, മുഹമ്മദ് മിഥിലാജ്, ഹനീൻ, അഭിഷേക് എന്നിവരാണ് പിടിയിലായത്. ആശുപത്രിയിൽ കയറി അക്രമം നടത്തിയ യു ഡി എസ് എഫ് പ്രവർത്തകരായ ഷറഫുദ്ദീൻ, മുഹമ്മദ് ഫുഹാദ് എന്നിവരും അറസ്റ്റിലായിട്ടുണ്ട്. സംഘർഷത്തിൽ ഏർപ്പെട്ട വിദ്യാർത്ഥികൾക്കെതിരെ നടപടിയെടുക്കുന്നതിന് സർവകലാശാലയുടെ അന്വേഷണവും ആരംഭിച്ചു.
Hostel rooms are CPM party offices. Non-students have occupied the rooms. Criminals and goons are in many rooms. Action should be taken to clean the Kozhikode University and the hostel.
